Bəstəkar-müğənni Aysel Məmmədova doğum günündə yayın yeni sevgi balladası olan “Olarmı” mahnısını və ona çəkilən klipi təqdim edib.

Sosial.info xəbər verir ki, klip bir neçə məkanda lentə alınıb. Öncə qara çimərlik libasında çarpayıda başlayan kadrlar daha sonra çöllükdə Ayselin bəyaz atla görüntüləri ilə əvəzlənir.

Musiqisi Ayselin özünə aid olan mahnının sözləri gənc yazar Ceyhun Bayramova məxsusdur. Mahnının aranjimanı isə Emin Kərimə (STKHA) aiddir.

Budəfəki ekran işində də rejissor kürsüsündə Royal Cəfərov əyləşib. Xatırladaq ki, ifaçının son iki klipinin müəllifi də Royal Cəfərovdur. Klipin operatoru Delee Oruclu, montaj və rənglənməsi isə Ravil Əsgərova məxsusdur. Klipdə ifaçının stili üzərində Kamran Həsənli (Themilank) çalışıb.

Qeyd edək ki, layihə “SS production” tərəfindən həyata keçirilib. İfaçı bundan əvvəl də şirkətlə əməkdaşlığa imza ataraq “ON” adlı albomunu təqdim edib. Albom təqdim edildiyi gündən indiyə kimi “Apple Music Azərbaycan Top 100 Albom” çartında ön sıralardadır.



Bizi Telegram-da izləyin