"Bölmə müdiri ilə anbardarın arasında olan ziddiyyət və Kənd Təsərrüfatı Nazirliyinə tabe "Aqroservis" ASC-dən gələn göstəriş əsasında əmək müqaviləmə xitam verildi."
Bu fikirlər Faktinfo.az saytına "Aqroservis" ASC-nin Şəmkir Regional Nümayəndəliyinin Ağstafa rayon bölməsinin əmək müqaviləsinə xitam verilmiş mühəndis-mexaniki İsgəndərov Qədir İsgəndər oğlu tərəfindən göndərilən növbəti şikayət məktubundandır.

Şikayətçi bildirir ki, 20.12.2022-ci il səhər saatlarında "Aqroservis" ASC-nin Şəmkir Regional Nümayəndəliyinin Ağstafa bölməsində anbardar vəzifəsində işləyən Əliyev Emin Şahin oğlu işə gecikib.Günorta saatlarında isə Emin Əliyev gözlənilmədən işdən gedib.Emin Əliyevin hər iki hərəkəti nəzərə alınmaqla,Ağstafa bölməsinin müdiri Cavanşir Əmrahov tərəfindən akt tərtib olundu,4 nəfər akta qol çəkdi, onlardan biri də mən oldum.

Onu da bildirim ki, ilin sonu, bayram qabağı olduğundan bölmə müdiri Cavanşir Əmrahovdan xahiş etdim ki, aktı elektron variantda "Aqroservis" ASC-yə göndərməsin. Təkidlərim nəticəsiz qaldı, bölmə müdiri aktı göndərdi. Bundan bir az sonra "Aqroservis" ASC-dən bölmə müdirinə zəng gəldi,ondan haqqımda təqdimat yazılması istənilirdi. Cavanşir Əmrahov "Qədir İsgəndərovdan deyil, bəlkə Emin Əliyevdən təqdimat yazılmasını istəyirsiniz" - bildirsə də,bölmə müdirindən mənim təqdimatını tez yazması istənildi. Bir az sonra təkrar bölmə müdirinə zəng edildi. Bu dəfə zəng edən "Aqroservis" ASC-nin kadrlar şöbəsinin müdiri Elnur müəllim idi. O, telefonda "sədrin göstərişidir" - deyərək, Cavanşir Əmrahovdan tez-tələsik mühəndis-mexanikin təqdimatını yazması tələb edildi.

Təqdimat 17:35 yazılıb göndərildi, iş saatının qutarmasına baxmayaraq,"Aqroservis" ASC 18:21 dəqiqədə mənimlə bağlanmış əmək müqaviləsinə xitam verdi. Bir neçə gün sonra iştirakım olmadan Ağstafa bölməsinin müdiri Cavanşir Əmrahov və anbardar Emin Əliyev "Aqroservis" ASC-yə çağrıldılar. Tərəflər barışdırıldı, əmək müqavilələri uzadıldı.Onu da deyim ki,anbardar Emin Əliyev atasının Kənd Təsərrüfatı nazirinin müşaviri ilə yaxın dostluq əlaqələrinin olması fikri var idi. Onun bir müddətdən sonra "Aqroservis" ASC-nin Ağstafa bölməsinin müdiri olmasına dair söhbət də dolaşırdı. Bunu bölmə müdiri Cavanşir Əliyev bilirdi. Buna görə hər iki şəxs uzun müddət idi ki, çəkişirdi. Yaranan narazılıqdan olunan şikayət düzgün araşdırılmadı, idarədə yeganə kənd təsərrüfatı mütəxəssisi olmağım nəzərə alınmadı, təqaüd yaşıma 3 il qalmış mühəndis-mexanik vəzifəsindən kənarlaşdırıldım.Deyilənlər və danışılanlar düz çıxdı, bir müddət əvvəl anbardar Emin Əliyevin "mən istəsəm sizin hamınızı bu idarədən çıxartdıraram" fikri təsdiqləndi. Digər tərəfdən də, adamın Kənd Təsərrüfatı Nazirliyində, "Aqroservis" ASC-də müdafiəçilərinin olduğu bir hadisədə müəyyənləşdi.

Şikayətçi əlavə edir:" Bir aydan artıqdır ki, KTN İnam Kərimova teleqram vurmuşam, məktub ünvanlamışam, heç bir cavab verilməyib.Məcburiyyətdən Azərbaycan Respublikasının Prezidenti İlham Əliyev cənablarına, daha sonra vitse prezident Mehriban Əliyevaya teleqram göndərməli oldum. Belə görünür, mən hələ çox orqanlara şikayət etməli olacam.Lazımdırsa, 65 yaşına qədər haqsız işdən çıxarıldığıma dair mübarizə aparacam.

Hələlik burdan Kənd Təsərrüfatı naziri İnam Kərimova, "Aqroservis" ASC-nin sədri Elmin Rəhimova bildirmək istəyirəm ki, 40 ilin kənd təsərrüfatı mütəxəssisinin təqaüd yaşına 3 il qalmış bağlanmış əmək müqaviləsinə xitam vermək bu qədərmi asandır və sizlər üçün bu davranış heç bir mahiyyət kəsb etmirmi?

2017-ci ilin fevral ayının 17-dən "Aqroservis" ASC-nin Şəmkir Regional Nümayəndəliyinin Ağstafa bölməsində mühəndis-mexanik, həmin ilin oktyabr ayından Ağstafa bölməsinin müdiri vəzifəsini icra etdim.2021-ci ilin dekabr ayında tutduğum vəzifədən məni azad edib,2022-ci ilin fevral ayında təkrar mühəndis-mexanik vəzifəsinə qaytardınız.İdarəyə maşın və mexanizmlərə aid inventarizasiya yoxlaması gəldi, bir əskiklik, dövlət əmlakının mənimsənilməsi faktı aşkarlandımı? Təbii yox!

Elə isə indi niyə kənd təsərrüfatı mütəxəssisini işdən kənarlaşdırırsınız? Yəni mən uğursuz, heç bir işə yaramayan hüquqşünaslar,İnam Kərimovun yerliləri,qohumları,tarix,ədəbiyyat,neftçi və digəriləri qədərdə yoxam,41-42 dərəcə istidə kondisionerin altında mürgüləyən mexanizasiyadan bixəbərlər qədərdə deyiləm?

Bəlkə, "Aqroservis" ASC-nin gəlirini binaların icarəsində,"ehtiyat hissələrinin" alınmasında,milyon manatları kombayn və s. xərclər adı altında mənimsəmişdim ki, əmək müqaviləmə xitam verildi? Deyin bilək!

Həqiqətənmi, düşünürsünüz ki, kənd təsərrüfatı sektoru Ağstafa rayonu, Ceyrançöl ərazisindən başlamış ölkənin dörd bir tərəfinə səpələnmiş qohum-əqrəba, qeyri-peşəkarlardan ibarət "komanda" ilə müəyyənləşdirilir və bunu bir gün İnam Kərimov və onun uğursuz "hüqüqşünas" dəstəsindən sorğu-sual edən tapılmayacaq?

FAKTİNFO.AZ